السلام عليكم ورحمة الله وبركاته
كان ياماكان في قديم الزمان وسالف العصر والآوان
كان في بنت اسمها سارا
سارا بنوته رائعة في الجمال والاخلاق مافي مثلها
كانت تحب ولد خالها ومتربين سوا من يوم كانوا صغار
كان حبهم قوي لدرجة كبيرة
لكن في عقبة تعترض طريقهم
وهي ان ابو سارا صاير بينه وبين خالها ابو فيصل مشكلة ومانعهم من زيارة بيت خالها
فكانت سارا تتمنى تروح بيت خالها عشان تشوف حبيبها فيصل
لكن تخاف من ابوها لانه لو درى ياويلها منه
وكانت تغتنم الاوقات الي يكون ابوها خارج البلاد
عشان تزور بيت خالها وفي يوم من الايام سافر ابوها وطلبت من امها انها تروح بيت خالها لكن امها رفضت لانها خايفة عليها
ولانها تدري بعلاقتها بولد خالتها وتخاف ان علاقتهم تتطور اكثر
سارا زعلت من امها وجلست تبكي ودها تشوف فيصل
لكن لازم تسمع كلام امها وتطيعها
واستسلمت لبكائها وحزنها
في غرفتها وحيدة
وفجأة
تسمع صوت في الشارع يناديها
سارا تعرف هذا الصوووت لكن مو مصدقة نفسها
هذا صوت فيصل يناديها
سارااااا
سارووووونه حبيبتي ردي علي
انا تحت
اطلعي من البلكونة ولا اطلعلك
سارا نسيت دموعها وحزنها ونطت تفتح البالكونة عشان تشوفه
وهي في قمة سعادتها انه بتلاقي فيصل
فتحت البلكونة ودخلته منها وجلست هي وياه يتسامروون طول الليل
فيصل : حبيبتي مشتاقلك
مشتاااااااااااااقلك مووووووووت
ليه الظروف ضدنا ليه مافي احد يقدر حبنا
سارا: عمري ان شاء الله كل شيء بيتعدل انت لاتتعب نفسك بالتفكير وركز على مذاكرتك ودروسك هذي اخر سنة لك بالجامعه
لازم تنجح وتتفوق عشان ترفع رأسي واقول حبيبي احسن طبيب بالعالم كله
فيصل : ياحبنيلك ياسارونه قلبي انتي الله لايحرمني منك ويخليك لي طول العمر
وصدقيني عمري مالاقي مثلك في هالدنيا كلها
سارا : حبيبي اصلا انت لوفكرت بس مجرد تفكير انك تحب غيري عارف وش بسوي فيك
فيصل : قولي وش بتسوين
سارا: رح ادعي لك انك تلاقي السعادة مع الانسانة الي اخترتها
لاني احب اشوفك دايم مبسووووط ماابيك تتكدر ابد ولا تحزن
أحبك لوتحب غيري
وتنساني وتبقى بعيد
عشان قلبي بيتمنى
يشوفك كل لحظه
سعيـــد
ورح امشي معااك
للآخر
فيصل: الله لايجيب هذا اليوم الي الاقي نفسي فيه مع انسانه غيرك
انتي حياتي ودنيتي وعمري وروحي وقلبي وكل شيء بدنيتي ومارح اتخلى
عنك ابد مهما يصير ولا رح افكر اني اخونك يوم من الايام يانبض القلب انتي
فيصل : حبيبتي غمضي عينك
سارا : ليه
فيبصل : غمضيها شوي
سارا: هاحبيبي غمضتها
بس بسرعه خلني افتحها لاني ماابي ولا لحظة تروح علي وانا معاك بدون مااكحل عيني بشوفتك
فيصل : طيب حبيبتي
افتحيها
سارااا: الله الله يهبل هالفستان عيوني
هذا لي
فيصل : لا لاامي
أجل لمين اكيد لكي انتي حبيبتي وهذا اقل شيء اهديك اياه
ممكن تقومين وتلبسينه ودي اشوفه عليك
سارا : شلون البسه وانت عندي بالغرفة
شفيك انت جنيت
فيصل : عيوني انا بطلع في البلكونة وقفلي علي الباب وانتي البسي براحتك في غرفتك اوكي
سارا : لا حبيبي مااعرف استحي خليها بعدين البسه براحتي
فيصل : عمري شفيكي منتي واثقة فيني
بطلع برا واسيبك على راحتك تلبسين والله ياعيوني من يوم جبته وانا احلم شلون بيطلع شكلة
عليكي يالله حياتي قومي البسيه وقفلي علي باب البلكونة
سارا: طيب عيوني
انت تأمر أمر
راحت سارا تلبس الفستان الي جابه لها فيصل وهي في قمة سعادتها
لبسته وراحت تفتح البلكونة وقالت لفيصل
سارا: افتح الباب ولما ابعد عنه تدخل اوكي
فيصل : اوكي ياروحي بس افتحي الباب متحمس اني اشوفك
ثاني يوم
تصحى سارا من بدري وتروح تسلم على امها وهي مبسووطة
سارا : صباح الخير امي
الام : هلا سارونة صباح النور
سارا: شلونك اليوم يمه كيف اصبحتي
الام : والله بخير انتي شلونك وشفيك ماشاء الله عليكي مبسووطة بالرغم انك نايمة زعلانه
سارا:: ابد حلمت حلم حلو واتمنى انه يتحقق اليوم
الام : خير انشاء الله وش الحلم الي حلمتيه
سارا : حلمت اننا رحنا بيت خالي اليوم وانتي معاي
الام : ان شاء الله بنروح ولاتزعلين يابنتي
سارا : يمه من جدك بنروح اليوم
الام : ايه
سارا: اجل كل بحلم ببيت خالي
هههههههههه
الام: يابنتي انتبهي على نفسك
فيصل صحيح رجال زين ومحترم وشهادتي فيه مجروحة
لكن ابوك مارح يرضى انكم تتزوجون بسبب المشاكل الي بينه هو وخالك
سارا: يمه انتي تقدرين باسلوبك تغيرينه وتصلحين بينه وبين خالي
تكفين يمه حاولي
الام : ان شاء الله يابنتي انا ودي والله مااحب القطيعة
في بيت الخال
الخال : ياهلا والله بأختي وبنيتها نور البيت
ام سارا: والله منور باهله
يسلموون ويجلسوون سوا
..............
سارا: خالي وين فيصل غريبة مو موجود
الخال : والله يابنتي نايم للحين ماصحي من النوم شكله كان سهران
سارا: ماشاء الله عليه للحين نايم
.............
تسلل سارا وتطلع من عند خالها وامها
وتروح تطلع لغرفة فيصل عشان تصحيه
سارا.....تهمس في أذن فيصل حبيبي يالله اصحى من النوم يكفي لحد الحين
فيصل........ ناااااااااايم
سارا تحط يدها على رأسه وتلاقيه حااااااار
وتروح تنادي خالها وامها
سارا: يمه خاالي الحقوني فيصل مسخن
ويجوونها على طول ويكلمون الطبيب ويكشف عليه ويلاقي انه تعرض لبرد
سارا: عرفت سبب البرد هذا من البلكونة
وتجلس تبكي يروح خالها يجيب العلاج له
وطلبت سارا من امها انهم اليوم ينامون في بيت خالها دام فيصل تعبان
المهم بعد ماناموا الاهل كلهم
وفيصل بعده نايم
تروح سارا لفيصل بغرفته وتسوي له كمدات باردة تهدىء عليه الحرارة
وتسهر طول الليل وهي تسوي له الكمدات
وفجأة وهي تبكي
يصحى فيصل ويمسح دمعتها ويقولها مابي اشوف هالدموع بعيونك مرة ثانية تفهمين ولالا
العيون هذي انخلقت عشان اطلع فيها وهي مليانه بالسعادة والحب مو عشان تبكي
سارا: أحبــــــك
فيصل : وانا اموت فيك ياروحي انتي
بعد اسبوع
يرجع ابو سارا من السفر وهو جايب الهدايا لبنته سارا
الاب: سارا تعالي حبيبتي شوفي وش جايب لك
سارا: هلا يبه ومشكور على هالهدايا الحلوة لكن اقبلها منك بشرط
الاب: عارف الشرط وانا موافق عليه
سارا: شلووون كيف موافق
من جدك ابوي موافق انك تتصالح مع خالي
الاب: اي موافق
سارا: غريبة
الاب: بصراحة ياسارا وانا مسافر تحلمت اني مت وكل اهلي مقاطعيني وانتي وامك مافي احد يزوركم من بعدي بسبب قطيعتي لهم في دنيتي
وعشان كذا انا خايف عليكم بعد مااموت انكم تعيشون لوحدكم ومااحد يسأل عنك انتي وأمك
سارا: بعد الشر عنك يااحلى اب بالدنيا
يتم الصلح بين الاب والخال ويسوون عزيمة كبيرة
الخال : والله يابو سارا هذي الساعه المباركة الي تشرفونا فيها
الاب : تسلم يااخوي
ها لاتنسى الاسبوع الجاي العشاء عندي
الخال : ان شاء الله ونخلي الفرحة فرحتين فرحة الصلح وفرحة تخرج فيصل من الجامعه
الاب : الف مبروك فيصل ماشاء الله ياوليدي تخرجت وبتصير طبيب
ها وانا عمك لاتنسانا اذا مرضت تعال انت عالجني ماابي غيرك طبيب
فيصل : الف سلامة عليك ياعمي لاتقول كذا انت بخير وبصحه وعافيه
يوم العزيمة
الخال : والله يابو سارا بما انه المياة رجعت لمجاريها انا ودي افاتحك بموضوع
الاب : هلا والله تفضل
الخال : بصراحة سارا مثل بنتي وودي اني اخطبها لفيصل
والولد يبيها وهي تبيه
الاب : والله هذي الساعه المباركة وانا من جهتي ماعندي مانع
وان شاء اخذ رأي البنت وارد لكم
الاب : سارا يابنتي والله اليوم خطبك ولد خالك فيصل
شرايك بالموضوع
سارا: الشور شورك ابوي وانا بنتك وتحت امرك
الاب : اجل على بركة الله
يتم الزواج ويسافرون للخارج
ويقضون احلى شهر عسل
فيصل : حبيبتي
شنو احساسك الحين بعد ماتحقق حلمنا
سارا: احساسي صعب اوصفه لك لانه ينقرأ بعيوني
فيصل : فديت هالعيون
يالله حبيبتي ماودك نتسبح
سارا: لا عيوني خليه شوي الجو حلو وحنا نطالع للبحر
فيصل : وبيصير احلى وحنا داخل البحر تكفين
حبيبتي قومي
يالله
سارا: طيب خلاص حبيبي بقوم بس اصبر
فيصل : يالله بسررعة ولا اشيلك
هههههههههههه
وتتعالى ضحكاتهم ويكملون حياتهم في سعادة وهناء
انشالله القصة تكون عجبتكم 0 0 0 
بستنى بردودكم ، ، ،
تقبلوا تحيات اخوكم ابـ الــــزوز ـــو ؛ ؛ ؛ 
3/8/2011, 2:29 pm من طرف زائر